SQO: Qyzyljar aýdandyq ákimdiginiń bólim basshysy sottaldy
Qyzyljar aýdany ákimdiginiń ekonomıka jáne qarjy bóliminiń eks-basshysy men basqa da memlekettik qyzmetshilerge qatysty qylmystyq isti Petropavl qalalyq soty qarady.
Qylmystyq top bıýdjetke 60 mln teńgeden astam shyǵyn keltirgen. Olar bólimdegi ár qyzmetkerge aı saıyn 500 myń teńge shamasynda syıaqy taǵaıyndap, keıin ony ózderi alyp otyrǵan. Negizsiz qarjylandyrý kólemin ulǵaıtyp, al «únemdeýden» túsken qarjyny «syıaqyǵa» jbergen.
«2021 jylǵy 13 aqpanda Q. laýazymdy tulǵa bola tura, sharttar jasasqany úshin, sondaı-aq osy qyzmetterdi kórsetý aktilerine kedergisiz qol qoıǵany úshin S.J.-dan 1,5 mln teńge kóleminde para alǵan. 2021 jylǵy aqpannan 15 naýryzǵa deıingi kezeńde K.B., A.A. oryndalmaǵan jumysqa osy qyzmetterdiń kórsetilgeni týraly aktilerge qol qoıǵan. Jeke kásipker S.M. naqty jumystardy oryndamasa da, oǵan bólim basshysy tólem retinde 2 mln teńge somasynda aqsha aýdarǵan. Onyń 1 690 000 teńgesin B. jáne S. A. qaltalaryna basqan. Sottalýshylardyń kinási jábirlenýshi ókilderiniń aıǵaqtarymen, kýágerlermen, jazbasha dáleldemelermen, sondaı-aq sottalýshy S.M.-nyń moıyndaý aıǵaqtarymen dáleldendi», - delingen Petropavl qalalyq soty baspasóz qyzmeti taratqan habarlamada.
Sot bólimniń eks-basshysy Qasenovany 4 jylǵa sottady. Al onyń sybaılastary S.J., S.A. jáne B. úsh jáne 2,5 jylǵa bas bostandyqtarynan aıyryldy. B.-nyń jas balasy bolýyna baılanysty jaza 5 jylǵa keıinge shegerildi. Al S.M-nyń. kinásin moıyndap, ókinish bildirgeni jáne buryn sottalmaǵandyǵy eskerilip, 19 mln 900 myń teńge mólsherinde aıyppul salyndy.