SQO qylmystyq atqarý júıesinde táýelsizdiktiń 26 qurdasy eńbek etedi

PETROPAVL. QazAqparat – Soltústik Qazaqstan oblysy boıynsha qylmystyq atqarý júıesi departamentinde el Táýelsizdigi kúnine oraı saltanatty is-shara ótip, 45 qyzmetker túrli marapatqa ıe boldy, dep habarlaıdy QazAqparat tilshisi.

SQO boıynsha QAJD baspasóz qyzmetiniń málimetinshe, Táýelsizdiktiń 30 jyldyǵyna oraı vedomstvoda saltanatty is-shara ótti.

Departament qyzmetkerleri memlekettik nagrada - «Halyq alǵysy» medalimen, Іshki ister Mınıstriniń, QAJ Kkomıteti tóraǵasynyń, Soltústik Qazaqstan oblysy ákiminiń jáne SQO boıynsha QAJ departamenti bastyǵynyń Qurmet gramotasymen jáne alǵys hatymen, «Minsiz qyzmeti úshin» dárejelik medalimen, «QR Táýelsizdigine 30 jyl» mereıtoılyq medalimen marapattaldy.

Eńbegi elengenderdiń biri - SQO boıynsha QAJD arnaıy esep tobynyń bas mamany Gúljan Abkanova.

Kóp jylǵy adal qyzmeti úshin qyzmetker óńir basshysynyń Qurmet gramotasyn aldy. Jalpy bul kúni 45 maman túrli marapatqa ıe boldy.

«Eldegi turaqtylyqty qalyptastyrýda, damytýda jáne saqtaýda mańyzdy ról ishki ister organdary júıesine berilgen. Sondyqtan biz eldiń taǵdyry, azamattardyń tynyshtyǵy men qaýipsizdigi, bolashaq urpaqtyń qalyptasýy ishki ister organdary qyzmetiniń nátıjeliligine, olardyń jaýapkershilik dárejesine baılanysty ekenin sezinýimiz kerek. Táýelsizdik Qazaqstan halqynyń rýhyn kóterip, bolashaqqa degen senimin nyǵaıtty. Memlekettiń egemendigi bizdiń barlyq jetistikterimizdiń berik negizine aınaldy», - dedi SQO boıynsha QAJD bastyǵy Rýstan Ahmetjanov.

Іs-shara kontserttik baǵdarlamaǵa ulasty.

SQO boıynsha qylmystyq atqarý júıesi departamentinde búginde 461 qyzmetker eńbek etedi, onyń 153-i – áıel.

Al 26 maman – Táýelsizdiktiń qurdastary.