SQO qutqarýshylary jańa tehnıkamen jaraqtandyryldy
Tótenshe jaǵdaılar departamenti baspasóz qyzmetiniń málimetterine qaraǵanda, qutqarýshylar 8 órt sóndirý tehnıkasyn alǵan. Onyń ishinde 6 avtotsısterna, 1 jol ótimdiligi joǵary avtobýs jáne 1 jol talǵamaıtyn (vezdehod) tehnıka bar. Olardyń barlyǵy apattan qutqarý jumystaryna arnalǵan.
«4 avtotsısterna qalalyq bólimshelerge beriletin bolsa, 3 tehnıka Ǵ.Músirepov aýdany men Taıynsha aýdanynyń Kellerovka aýylyna jáne Tımırıazev aýdanynyń Tımırıazov aýylyna jiberiledi»,-dep habarlady baspasóz qyzmeti.
Aýyldyq aýmaqtarda tehnıka asa qajet. Olardyń kómegimen qutqarýshylar ortalyqtan shalǵaı jatqan aýmaqtarda da tótenshe jaǵdaılardyń aldyn alyp, joıý jumystaryn tıimdi júrgize alady. Tehnıkalar ásirese tabıǵat jaǵdaıy kúrdeli aımaqtarda jumys júrgizýge zor kómegin tıgizedi.
