SQO krımınalısteri jyl basynan beri 2 myńnan astam zertteýler júrgizdi
Krımınalısterdi «pogondaǵy ǵalymdar» dep te ataıdy. Olar qylmyskerler oqıǵa ornynda qaldyrǵan izderdi tabýmen, jınaýmen jáne zertteýmen aınalysady.
SQO polıtsııa departamenti baspasóz qyzmetiniń málimetinshe, jyl basynan beri osy sala mamandary 1426 ret oqıǵa ornyna shyǵyp, 3 myńǵa jýyq qol jáne 500-den astam trasologııalyq, ıaǵnı aıaq kıim, kólik quraly, buzý jáne taǵy basqa quraldar izderin aldy. Sonymen qatar, 157 bıologııalyq iz, 92 ıis jáne 123 mıkrobólshek alǵan. Budan basqa, aýmaq bólinisteriniń tapsyrmalary boıynsha zertteýler júrgizedi. Aıta ketetini, ár alynǵan oq-qarý krımınalısterdiń zertteýine túsedi.
«Krımınalıster jumysynyń mańyzdy bóligi oqıǵa ornynan aıǵaq zattardy alýdan jáne zertteýden turady. Keı kezderi belgili bir qıynshylyqtar týyndap jatady. Máselen tıisti jaǵdaıda saqtalmaǵan eski qarýdy atyp kórý barysynda úlgi jarylmas úshin qosymsha qaýipsizdik sharalaryn qoldanyp, qashyqtyqtan atýǵa týra keledi. Zertteýge usynylǵan úlgilerdiń qandaı atys qarýyna jatatyny anyqtalady, atýǵa jaramdylyǵy, markasy, kalıbri, serııa nómiri belgilenedi, keıin QR ІІM krımınaldyq esepteri boıynsha tekseriledi», - deıdi SQO PD jedel-krımınalıstıkalyq basqarmasy bastyǵynyń orynbasary Evgenıı Bogachev.
Jyl basynan oblys krımınalısteri 2,1 myńnan astam túrli zertteýler júrgizdi. Ádette bul mamandardyń jumystarynyń nátıjesi sotqa deıingi tergeý barysynda mańyzdy rol atqarady, kúdiktiniń iske qatystylyǵyn rastaıdy ne teriske shyǵarady.
Zertteýler kúdiktiniń jeke basyn anyqtaýǵa septigin tıgizetin jaǵdaılar da jeterlik. Jyl basynan beri daktıloskopııalyq eseptiń kómegimen 91 qylmys ashyldy. Sonymen qatar, fotorobotty salý jáne «Obraz++ 3.0» derekter bazasyn paıdalaný 69 qylmysty ashýǵa septigin tıgizse, taǵy 25 qylmys aıaq kıim, buzyp kirý quraldarynyń jáne kólik quraldary izderiniń kómegimen ashyldy.