SQO: Kómir satýshylar ózara sóz baılasyp, baǵany rettemek bolǵan
PETROPAVL. QazAqparat - Soltústik Qazaqstan oblysynda kómir ónimderin satýmen aınalysatyn eki kompanııa ózara sóz baılasyp, baǵany rettemek boldy degen kúdikke ilikti, dep habarlaıdy QazAqparat tilshisi.
Kompanııalar Tımırıazev aýdanynda «K» markaly (Ekibastuz) kómirdi satqan. Soltústik Qazaqstan oblysy boıynsha Tabıǵı monopolııalardy retteý, básekeni jáne tutynýshylar quqyǵyn qorǵaý departamenti básekeni qorǵaý salasyndaǵy zańnamany buzý belgileri baıqalatyndyǵy týraly eskertý habarlama jibergen.
Departament buryn satyp alynǵan kómirlerdiń baǵasyn birneshe ret arttyrý deregin anyqtady. Ázirge kompanııalarǵa eskertý sharalary qoldanyldy.
«Habarlamany alǵan soń 10 jumys kúni ishinde kompanııalar kómir baǵasyn ekonomıkalyq turǵydan negizdi deńgeıge keltirýi tıis», - dep túsindirdi departament basshysynyń orynbasary Natalıa Shaıahmetova.
Eger kompanııalar osy mindettemeni oryndamasa, departament tekseristi bastaıdy.
Vedomstvo ókilderiniń aıtýynsha, kompanııalarǵa eskertý berýge aýdandyq máslıhattyń jáne Tımırıazev aýdany ákiminiń orynbasarynyń hattary sebep bolǵan.
Avtor: Olesıa Jýkoven
