SQO kitaphanasynda 2-3 ǵasyrlyq kóne kitaptar mýzeıi bar
PETROPAVL. QazAqparat - 24 mamyr - Slavıan jazbalary men mádenıeti kúnine oraı petropavldyq oqyrman S.Muqanov atyndaǵy oblystyq ǵylymı-ámbebap kitaphananyń mýzeıindegi sırek kitaptarmen tanysty, dep habarlaıdy QazAqparat tilshisi.
Aǵaıyndy Kırıll men Mefodıı osydan myńdaǵan jyl buryn slavıan jazbasynyń negizin qalady. Mamandardyń aıtýynsha, álemdegi álipbılerdiń onnan bir bóligi kırıllıtsanyń negizinde jasalǵan. Merekege oraı S.Muqanov atyndaǵy oblystyq ǵylymı-ámbebap kitaphanasynyń qyzmetkerleri oqyrman nazaryna sırek kezdesetin kitaptar kórmesin usyndy.
Sırek kitap mýzeıi kitaphanada 1996 jyly ashyldy. Qazir munda túrli janrdy qamtıtyn 3 myńǵa jýyq kitaptyń sırek qory jınaqtalǵan. Olar -ádebıet, ǵylym klassıkteriniń kózi tirisinde shyqqan týyndylary. Mýzeıde polıgrafııa jáne túpteý óneriniń tamasha úlgilerin de kórýge bolady. Solardyń biri 1056-1057 jyldary jaryqqa shyqqan "Ostromırova Evangelııa" atty kitap. Sondaı-aq Brokgaýz ben Efronnyń, aǵaıyndy Granattardyń entsıklopedııalyq sózdikteri bar.
Oqyrman nazaryna usynylǵan kitaptardyń biri - psaltyr. Shamamen 18 ǵasyrda jazylǵan. Kóne slavıan tilinde jazylǵan qasıetti kitap búginde ilýde bir kezdesedi eken.
««Psaltyr» kitabyn biz qazir oqı almaımyz. Ol jerde jazýlar kóne slavıan tilinde jazylǵandyqtan tek qazirgi áripterge uqsastaryn túsinýge bolady, al tolyqtaı oqý múmkin emes. Burynnan kele jatqan bul kitapty kezinde bizdiń kitaphana óte qymbat baǵaǵa satyp aldy. Ony basqa esh jerden taba almaısyzdar. Tek memlekettik kitaptar qorynda bolýy múmkin. Kóptegen ataqty aqyn-jazýshylar osy kitapty oqyp ósken eken kezinde», - deıdi kitaphananyń bas bıblıografy ıÝlııa Pıskýnova.
Іs-shara barysynda kelýshiler sııa-qalamdardyń shyǵý tarıhymen de tanysty. Ár oqyrman búginde qoldanystan shyqqan sııamen jazyp kórýge de múmkindik aldy.
