SQO: keıbir eldi mekenderden turǵyndar evakýatsııalanyp jatyr
ASTANA. KAZINFORM – Soltústik Qazaqstan oblysynda 3 aýdan men Petropavl qalasyn sý basý qaýpi áli joǵary. Bul týraly SQO Tótenshe jaǵdaılar departamenti bastyǵynyń orynbasary orynbasary, podpolkovnık Murat Qanǵojınov aıtty.
«Soltústik Qazaqstan oblysy aýmaǵynda da sý tasqyny qaýpi saqtalyp otyr. Qazirgi ýaqytta «Sergeevka» sý qoımasynyń tolýy 170 paıyzdy quraıdy. Qoıma erneýiniń sýdyń asyp tógilýi – 395 sm. Dál osy asyp-tógilý Shal aqyn, Esil, Qyzyljar jáne Pavlodar qalasyn sý basý qaýpin tóndirip tur. Sý basý qaýpi bar eldi mekenderde halyqty jappaı habarlandyrý, sonymen qatar der ýaqytynda evakýatsııalaý júrgizilip jatyr», - dedi ol Ortalyq kommýnıkatsııalar qyzmetindegi brıfıngte.
Onyń atap ótýinshe, óńirdegi qar jamylǵysy 15 paıyzǵa deıin jetedi. Óńirde Túrkistan, Qaraǵandy, Pavlodar Ulytaý oblystarynyń, Astana jáne Almaty qalalarynyń TJD mamandary, Qorǵanys mınıstrligi áskerı bóliminiń kúshteri jumys istep jatyr. Joldardyń 17 ýchaskesin sý basý qaýpi bar. Jol tóseminiń 8 ýchaskesinde qazý jumystary júrgizildi.
«Sýdy sorý jumystary júrgizilýde. Shamamen 682 myń tekshe metr sý soryldy. Aryqtardy tazartý, kanaldardy keńeıtip, tereńdetý jumystary júrgizilip jatyr. Sonymen qatar drondar men tikushaqtardyń kómegimen áýeden baqylaý júrgizilýde. Petropavl qalasy men eldi mekenderdiń aınalasyndaǵy qorǵanys bógetteri kúsheıtilýde», - dedi departament bastyǵynyń orynbasary.
