SQO kásiporyndary qus eti ımportyn 100% jergilikti ónimmen almastyrýǵa daıyn
Premer-Mınıstrdiń orynbasary - Saýda jáne ıntegratsııa mınıstri Serik Jumanǵarın Aqqaıyń aýdany Lenın aýylynda aýyl sharýashylyǵy óndirýshilerimen kezdesti.
Óńir ákimdiginiń málimetinshe, keıingi eki jylda ÁKK arqyly jeńildikpen nesıelendirý boıynsha pılottyq joba aıasynda birqatar aýyl sharýashylyǵy kásiporny ashylǵan.
Qus fabrıkalary tolyq qýatqa shyqqannan keıin qus etiniń ımportyn 100% jergilikti ónimmen almastyrýǵa múmkindik bar. Máselen, 5 myń tonna et óndiretin bir ǵana fabrıka oblystyń qus etine degen suranysyn 50%-ǵa deıin qamtamasyz etedi. Sonymen qatar, bul – 170-ke jýyq adamdy jumyspen qamtyp otyrǵan aýyldyq okrýgtegi alǵashqy iri ınvestıtsııalyq joba, onyń 90%-y – jergilikti turǵyndar.
Aýyl sharýashylyǵy kásiporyndarynyń eseptelgen tabystylyǵy qaryzǵa alynǵan aqshany der kezinde qaıtarýǵa múmkindik beredi. ÁKK arqyly nesıelendirý mehanızmi qarajatty ýaqtyly qaıtarýdy jáne joba bastamashylary úshin barynsha qolaıly jaǵdaılarmen qamtamasyz etedi, kepil sharttaryn únemdeıdi (kepil retinde satyp alynǵan tehnıka men mal qabyldanady).
Kóptegen jobalardy tolyq júzege asyrý úshin 1,5-2 jyl qajet. 2021-2022 jyldary 7 baǵyt boıynsha 35 iri joba iske asyryldy. Búginde SQO-nyń barlyq aýdandary sút keshenderiniń qurylysymen qamtylǵan.
Qurylysqa jergilikti merdigerlerdi tartý, otandyq jetkizýshilerden materıaldar satyp alý, óńdeletin jem-shóp daqyldarynyń alańdaryn jáne qaıta óńdeý úshin óndiriletin shıkizat kólemin ulǵaıtý, zamanaýı qural-jabdyqtar satyp alý, jańa jumys oryndaryn qurý, aýyldardy jańǵyrtý, áleýmettik nysandardy salý – munyń bári sınergetıkalyq áser kórsetedi.
Jobalardy iske asyrýdan 2 jylda uıymdasqan sharýashylyqtarda sút óndirisi 17,5%-ǵa nemese 35,3 myń tonnaǵa (201,8-den 237,1 myń tonnaǵa deıin) ósti. Búgingi tańda oblys daıyn sút ónimderin óndirý boıynsha kóshbasshy sanalady (Qazaqstan boıynsha óndiris – 819 myń tonna, onyń ishinde SQO – 188,4 myń tonna (23%).
Bizdiń aldymyzda eldiń sút, qus eti men kókónisterge degen qajettiligin ózi tolyǵymen jabatyndaı etý mindeti tur. Búginde bul saladaǵy eń joǵary quzyretter – SQO-da. Óńir agroónerkásip óndirýshilerine jeńildetilgen qarjylandyrýdy usyný boıynsha aýqymdy jobany iske asyrýdyń bastamashysy boldy. Memlekettik ınvestıtsııanyń tıimdiligin kórip otyrmyz. Bul jobany qýatty jem-shóp jáne óndiristik baza qurylǵan basqa óńirlerde de keńeıtýdi josparlap otyrmyz. Sýarý jobalaryn qoldaýǵa daıynbyz. Biz sizderdi jobaǵa qatysýǵa shaqyramyz jáne osyndaı múmkindikteri men keńeıtýge umtylysy bar barlyq tilek bildirýshilerdi barynsha qoldaýǵa daıynbyz. Sonymen qatar, búginde taýar óndirýshilerdiń ónimdi ótkizýi úshin eń jaqsy jaǵdaı jasaý maqsatynda saýda jelilerimen jumys istep jatyrmyz, -
dedi Serik Jumanǵarın fermerlerge kezdesý barysynda.
Soltústik Qazaqstan oblysyna eki kúndik jumys sapary aıasynda Premer-Mınıstrdiń orynbasary oblystyń birneshe aýdanynda bolyp, Taıynsha veterınarlyq zerthanasynyń qyzmetimen, veterınarlyq-sanıtarlyq zerthananyń, «Soltústik» ÁKK arqyly jeńildetilgen nesıelendirý boıynsha pılottyq jobalarǵa qatysýshy kásiporyndar – «Zenchenko jáne K», «Qyzyljar sút» sút-taýarly fermalary, BioOperations krahmal zaýyty, jylyjaılar, kókónis qoımalary jáne «Radýga» JShS qaǵaz óndirisi zaýyty, «EMC Agro» shoshqa fermasyn keńeıtý kesheni, Novonıkolskıı aýylyndaǵy áleýmettik nysandarynyń jumysymen tynysty.
Jaqyn arada vıtse-premer óndirýshilermen kezdesý úshin basqa agrarlyq oblystardyń kásiporyndaryna barýdy josparlap otyr.
