SQO qarjy polıtsııasy basshysynyń birinshi orynbasaryn óltirý faktisi boıynsha úsh adam quryqtaldy
ASTANA. QazAqparat - Soltústik Qazaqstan oblysy qarjy polıtsııasy basshysynyń birinshi orynbasary Jandos Ahmetovti óltirý faktisi boıynsha polıtsııa úsh adamdy qamaýǵa aldy. Bul týraly búgin Ortalyq kommýnıkatsııalar qyzmetindegi brıfıngte QR Іshki ister mınıstri Qalmuhanbet Qasymov málim etti.
«Qarjy polıtsııasy birinshi orynbasarynyń ólimine baılanysty búginde osy is boıynsha úsh adam tutqyndaldy. Negizgi kıller, eki aradaǵy tapsyrys berýshi jáne qarý usynǵan adam kúdiktiler. Osy is boıynsha qalǵan máseleler sottan keıin belgili bolady»,-dedi mınıstr.
Esterińizge sala keteıik, ótken jylǵy 24 jeltoqsan kúni shamamen 20:00 kezinde Petropavlda ıÝbıleınaıa kóshesiniń boıynda óz úıiniń kireberisindegi baspaldaqta belgisiz bireýdiń qolynan mert bolǵan Soltústik Qazaqstan oblysy boıynsha Ekonomıkalyq jáne sybaılas jemqorlyqqa qarsy kúres departamenti basshysy birinshi orynbasarynyń máıiti tabyldy. Osy oqıǵa boıynsha QR QK 96-babyna sáıkes qylmystyq is qozǵaldy.
