SQO qarjy basqarmasynyń basshysy qyzmetinen ketti
PETROPAVL. QazAqparat - Soltústik Qazaqstan oblysy qarjy basqarmasynyń basshysy Esken Ákimjanov qyzmetinen ketti, dep habarlaıdy QazAqparat tilshisi.
SQO ákimi baspasóz qyzmetiniń málimetinshe, óńir jetekshisi Qumar Aqsaqalov qarjy basqarmasy basshysynyń sheshimin durys dep sanaıdy. Óıtken ol óz orynbasarynyń jumysyn tıisti deńgeıde qadaǵalaı almaǵan.
«Qazir bul is boıynsha tergeý amaldary júrgizilýde. Eger qol astyndaǵylar sybaılas jemqorlyqqa qatysy bolsa, basshylar óz ornynan ketýi kerek. Bul Prezıdent Qasym-Jomart Toqaevtyń ustanymy. Qarjy basqarmasynyń basshysy Esken Ákimjanov óziniń orynbasaryn tıisti túrde qadaǵalaı almady. Sondyqtan, ol óz erkimen otstavkaǵa ketýdi jón dep sanady, men otstavkany qabyldadym», - dedi Qumar Aqsaqalov jastarmen ótken kezdesý barysynda.
Esterińizge sala keteıik, osydan úsh kún buryn SQO Qarjy basqarmasy basshysynyń orynbasaryna 83 mln teńge urlady degen aıyp taǵyldy.
