SQO ınspektorlary 16 aqqýdy aıazdan qutqardy

ASTANA. QazAqparat - 10-11 qarasha kúnderi Soltústik Qazaqstan orman sharýashylyǵy jáne janýarlar álemi aýmaqtyq ınspektsııasynyń memlekettik ınspektorlary 16 aqqýdy sýyqtan qutqaryp qaldy, dep habarlaıdy QazAqparat.

«Aqqýlar Petropavlǵa jaqyn mańdaǵy muz bolyp qatqan sý aıdynynda kózge túsken. Uıadan kesh shyqqan balapandar bolsa kerek. Aýlanǵan qustar sýy qatpaıtyn (№2 JEO salqyndatýshy sý aıdyny) Beloe kóline kóshirildi», - dep jazdy jelidegi paraqshasynda QR AShM orman sharýashylyǵy jáne janýarlar álemi komıtetiniń baspasóz hatshysy Sáken Dildahmet.

Inspektsııa qyzmetkerleri osyndaı jaǵdaılardy anyqtap, jamandyqtyń aldyn alý úshin oblys aýmaǵynda únemi tekserister júrgizip otyrady. 

Illıýstratsııalyq foto