SQO Indýstrıaldyq-ınnovatsııalyq damý basqarmasynyń basshysy bolyp J.Sádýaqasov taǵaıyndaldy

PETROPAVL. QazAqparat - SQO ákiminiń ókimimen Janat Sádýaqasov Soltústik Qazaqstan oblysy ındýstrıaldyq-ınnovatsııalyq damý basqarmasynyń basshysy bolyp taǵaıyndaldy. Bul týraly aımaq basshysynyń baspasóz qyzmeti habarlady.

«Janat Ǵabbasuly Sádýaqasov 1981 jyly týǵan. Soltústik Qazastan memlekettik ýnıversıtetin «ınjener-mehanık» mamandyǵy boıynsha támamdaǵan.

Eńbek jolyn 2003 jylǵy qyrkúıekte «Petropavl aýyr mashına jasaý zaýyty» AQ-da ınjener-qurastyrýshy bolyp bastady», delingen habarlamada.

2007 jylǵy sáýirden 2010 jylǵy sáýir aralyǵynda oblystyq kásipkerlik jáne ónerkásip basqarmasynyń bas mamany, sodan soń bólim bastyǵy qyzmetterin atqarǵan. 2010 jylǵy sáýirde oblys ákiminiń bas ınspektory bolyp taǵaıyndaldy.

2011 jylǵy maýsymnan bastap 2015 jylǵa deıin deıin oblys ákimi apparaty basshysynyń orynbasary bolyp qyzmet etken.

2015 jyldyń qańtarynan qazirgi ýaqytqa deıin SQO ishki saıasat basqarmasynyń basshysynyń qyzmetin atqardy.