SQO ІІD-niń arnaıy jasaǵy súńgýirlik daǵdylardy úırendi
Polıtseı vedomstvosynyń málimetterine sáıkes, JQAJ qyzmetkerleri tájirıbeli ınstrýktorlardyń jetekshiligimen basseın men Esil ózeniniń sýyna súńgidi.
JQAJ komandıri Erik Quljanov sharanyń basty maqsaty qyzmetkerlerdi arnaıy jeńil-súńgýir jabdyqtarymen, qarý-jaraqtarmen jáne tehnıkamen jumys jasaý daǵdylaryna úıretý bolǵanyn aıtty. Bul sý aıdynynda óz betimen, sondaı-aq top quramynda arnaıy mindetterdi oryndaý úshina asa qajet.
JQAJ músheleri salqyn ózen sýyna túsken kezde jaǵdaıdyń ekstremaldylyǵy ásirese qatty seziletinin jáne bul jattyǵýdaǵy basty másele tynys alýdy baqylap, úreıge berilmeý ekenin aıtady.
«Tájirıbeden belgili bolǵandaı, polıtseılerdiń jedel túrde kórsetiletin kómegi jyldyń kez kelgen mezgili men táýliginde sý tasqyny qaýpi tóngen adamdarǵa asa qajet», - dedi baspasóz qyzmetiniń ókili.
Tamyz aıynda JQAJ-nyń soltústikqazaqstandyq ofıtserleri parashıýtpen sekirýde áýe-desanttyq daıyndyq teorııasyn pysyqtap, qyrkúıek aıynda sý túbinde júzý boıynsha ıntensıvtik jattyǵýlardy bastady.
