SQO-ǵa Sibir antıtsıklony kele jatyr
PETROPAVL. KAZINFORM — Soltústik Qazaqstan oblysynda osy apta aıazdy bolyp, túnde aýa temperatýrasy -38 gradýsqa deıin jetpek.
«Qazgıdromet» kásipornynyń oblystyq fılıaly eskertý jarııalady. Sınoptıkterdiń aıtýynsha, qańtar aıynyń ekinshi jartysynda oblys aýmaǵyna Sibir antıtsıklony áser etedi. Osyǵan baılanysty 14 qańtardan bastap túngi ýaqytta aýa temperatýrasy -30,.-35 gradýsqa deıin tómendeıdi, oblystyń ońtústik-shyǵysynda -38 gradýs aıazǵa deıin jetedi.
Kúndiz synap baǵanasy -20,…-25 gradýs aıazdy kórsetse, al ońtústik-shyǵysta -28 gradýsqa deıin tómendemek.
Aıazdy aýa raıyna qaramastan, antıtsıklonnyń jyldam jyljýy saldarynan soltústik-shyǵys baǵytta jel kúsheıip, jyldamdyǵy 15-20 m/s, oblystyń shyǵysynda ekpini 28 m/s-qa deıin jetedi.
18 qańtarda aıazdyń beti qaıtyp, túnde -18…-23 gradýs, kúndiz -14…-19 gradýs aıaz bolady.
22 qańtardan bastap antıtsıklon yqpalynan qaıta aıaz kúsheıip, túngi aýa temperatýrasy -30…-35 gradýsqa deıin tómendeıdi.
Aıdyń ekinshi jartysynda aýa raıy negizinen jaýyn-shashynsyz bolmaq.
Buǵan deıin búgin eldiń barlyq aýmaǵynda aýa raıyna baılanysty eskertý jarııalanǵanyn jazǵan edik.