SQO-ǵa Pfizer vaktsınasy jetkizildi
SQO densaýlyq saqtaý basqarmasy basshysynyń mindetin atqarýshy Nurlan Aımanovtyń aıtýynsha, Pfizer kompanııasynyń vaktsınasymen 42 705 adamǵa ekpe jasaý josparlanǵan. Bul preparat ta eki kezeńmen egiledi, 21-28 kúnnen keıin ekinshi dozasyn alý qajet. Birinshi kezeńde úsh sanatqa jatatyn adamdar bul ekpeni alady. Olar 16-18 jastaǵy jasóspirimder, júktiliktiń 16-dan 37 aptasyna deıingi aralyqtaǵy júkti áıelderge, bala emizetin áıelderge ekpe egý bastalady. Pfizer kompanııasynyń «Komırnatı» vaktsınasy jazba túrdegi kelisimnen keıin ǵana qoıylady.
«Qazirgi ýaqytta densaýlyq saqtaý basqarmasy bilim basqarmasynyń kómegimen ata-analardyń, balalardyń zańdy ókilderiniń, júkti jáne emshektegi balasy bar áıelderdiń vaktsınatsııaǵa kózqarasyn bilip jatyr. Qarsy emesterdiń tizimi jasalady. Ár emhanada osy sanatqa jatatyndarǵa arnalǵan bólek ekpe pýnkti qurylady. Sondaı-aq mektepterge kóshpeli ekpe pýnktteri barady», - deıdi Nurlan Aımanov.
SQO-ǵa 11 qarasha kúni Pfizer kompanııasynyń 33 myń dana vaktsınasy jetkizildi. Birer kúnde ekpe jumystary bastalmaq.
Qazirgi ýaqytta óńirde 14 bala statsıonarda, 158 bala ambýlatorlyq em alyp jatyr. Al bıyldyqqa 646 júkti áıel vırýsty juqtyryp, em alǵan. 38 jaǵdaıda bolashaq ananyń ómirin saqtap qalý úshin júktilikti erte kezeńde toqtatýǵa týra kelgen. Ókinishke oraı dárigerler úsh sábıdiń ómirin saqtaı almady. Qazirgi kezde 15 júkti áıel statsıonarda em qabyldap jatyr, 12-si dárigerlerdiń baqylaýyna alynǵan.
