SQO-ǵa ózge óńirlerden sońǵy bes jylda 10 myńǵa jýyq adam kóship kelgen

PETROPAVL. QazAqparat – Soltústik Qazaqstan oblysynda bıyl 10 myńǵa jýyq adamǵa 576,6 mln teńgeniń ataýly áleýmettik kómegi kórsetildi. Óńirlik kommýnıkatsııalar qyzmetinde «Halyqtyń áleýmettik osal toptaryna memlekettik qoldaý sharalaryn kórsetý týraly» taqyrybynda brıfıng ótti, dep habarlaıdy QazAqparat tilshisi.

Oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Rınat Eljasovtyń aıtýynsha, bıyl «Eńbek» memlekettik baǵdarlamasy aıaqtalady. Óńirde sońǵy 4 jylda oǵan 118 myńnan astam adam qatysqan.

«2016 jyldan bastap oblysqa respýblıkamyzdyń eńbek kúshi artyq óńirlerinen 9649 adam nemese 2812 otbasy kóship keldi. Eńbekke qabiletti 4566 adamnyń 3561-i jumyspen qamtyldy.Jalpy, osy jyldar ishinde baǵdarlamanyń tıimdiligine kóz jetkizdik. Bıylǵy 3 toqsan qorytyndysy boıynsha jumyssyzdyq deńgeıi 4,8%-dy qurady», - deıdi Rınat Eljasov.

Mamannyń aıtýynsha, basqarma halyqtyń áleýmettik osal toptaryna qoldaý kórsetýge erekshe mán beredi. Jyl basynan 2331 otbasyna nemese 10 myńǵa jýyq adamǵa 576,6 mln teńge ataýly áleýmettik kómegi kóretilgen. 2020 jyldan bastap 1 jastan 6 jasqa deıingi balalar úshin aı saıyn azyq-túlik jáne toqsan saıyn turmystyq hımııa jıyntyǵy túrindegi kepildendirilgen áleýmettik kómek birilip keledi. Bıyl 2 290 balaǵa osy maqsatta 89,2 mln teńge jumsalǵan.

«Erekshe qajettilikteri bar adamdardy qoldaý áleýmettik qorǵaýdyń mańyzdy bóligi. Bıyldan bastap Áleýmettik qyzmetter portaly arqyly ońaltýdyń tehnıkalyq quraldaryn jáne ońaltý qyzmetterin alýǵa bolady. Jyl basynan portalda 8895 tapsyrys resimdelip, 86,5%-y oryndaldy», - deıdi áleýmettik qyzmetker.