SQO-ǵa ońtústikten qonys aýdarǵandar kottedjderge ornalastyrylady
PETROPAVL. QazAqparat - Soltústik Qazaqstan oblysyna ońtústik óńirden qonys aýdarǵan otbasylarǵa kottedjder beriledi, dep habarlaıdy QazAqparat tilshisi.
Qyzyljar óńirinde Qazaqstannyń ońtústiginen kóship kelgenderge bar jaǵdaı jasalyp jatyr. Memleketten demeýqarjy berilse, jergilikti ákimdikter qonys aýdarǵandarǵa kómek bermek.
Oblys ákimi baspasóz qyzmetiniń habarlaýynsha, qazir oblysqa kóship kelýshilerge kottedjder salynyp jatyr. Barlyǵy 3 myń baspana turǵyzylýda. Ál-aýqaty joǵary 150 aýyl bekitildi. Alaıda bul úı barlyǵyna birdeı berilmeıdi.
«Kóship kelýshilerge birneshe talap qoıamyz. Ár otbasyda eń kemi 3-4 bala bolý qajet. Suranysqa ıe mamandar kerek. Agronom, muǵalim, traktorshy, kombaınshy, dárigerge turaqty jumys beriledi. Balalarǵa mektep pen balabaqshadan oryn ázir. Osy talaptarǵa saı bolsa, otbasyǵa sý jańa kottedjdiń kiltin tabys etemiz», - dedi Qumar Aqsaqalov BAQ ókilderine bergen suhbatynda.
Sondaı-aq, basqa memlekettik baǵdarlamalarmen kóship kelse, olarǵa qosymsha aqy tólenbek. Eger otbasy basqa úıdi satyp alsa nemese jaldasa, memleket 600 myń teńge shyǵyndy qaıtarady. Oǵan qosa, ár otbasyǵa demeýqarjy tólenedi. Mysaly, 5 adamnan turatyn otbasy 450 myń teńge sýbsıdııa alady.
Soltústikke ońtústik oblystardan sońǵy jyldary 3 myń adam kóship kelgen. Bul - 700 otbasy. Bıyldyń ózinde 1,5 myń adam qabyldanbaqshy.
