SQO-ǵa qosymsha 50-den astam qutqarýshy jiberildi
PETROPAVL. QazAqqparat - Búgin SQO-da sý tasqynyna baılanysty jaǵdaıdyń kúrdelenýine baılanysty qosymsha kúshter men quraldar jiberildi, dep habarlady «QazAqparat» HAA QR ІІM TJK baspasóz qyzmetinen silteme jasap.
Óńirge 52 qutqarýshy, 11 birlik tehnıka, 5 sý aıdaý jáne 9 júzý quraldary, 11 medıtsınalyq qyzmetker, 3 birlik tehnıka tartyldy.
«Budan buryn Aqmola oblysynda Ortalyq jáne Ońtústik óńirlik aeroutqyr qutqarý jasaqtary, respýblıkalyq jedel qutqarý jasaǵy, Pavlodar oblysy TJD qutqarý jasaǵy, Apat medıtsına ortalyǵynyń qyzmetkerleri jiberilgen. Kúsh pen quraldardy nyǵaıtý úshin Jambyl oblysy TJD jedel qutqarý jasaǵynyń qutqarý bólimsheleri tartyldy», - delingen habarlamada.
Qutqarýshylar jasaǵy adamdardy, úı janýarlaryn evakýatsııalaý, turǵyndardy, pochta, energoqyzmetter men basqa uıymdar jumyskerlerin ótkelden ótkizý, dári-dármek, azyq-túlik jetkizý, sý aıdaý, aǵyzý, sý basýy múmkin ýchaskeler monıtorıngin júrgizý úshin jumyldyryldy. Apat medıtsınasy ortalyǵy halyqqa medıtsınalyq, psıhologııalyq kómek kórsetedi.
