SQO-ǵa keletin sheteldik týrısterdiń sany eki ese artty
PETROPAVL. QazAqparat - Soltústik Qazaqstan oblysyna byltyr 126 myń týrıst demalýǵa kelgen. Osylaısha, sońǵy úsh jylda demalýshylardyń sany 39% artty, dep habarlaıdy QazAqparat tilshisi.
Soltústik Qazaqstan oblysyna demalýǵa kelýshiler negizinen Aıyrtaý aýdanyn tańdaıdy. Týrısterdi aımaqtyń ásem tabıǵaty, sonyń ishinde Shalqar men Imantaý sekildi aıdyn kólderi qyzyqtyrady. Mamandardyń aıtýynsha, Shalqar kóli sýynyń quramy teńiz sýyna para-par.
«Týrısterge yńǵaıly bolý úshin aımaqta baıqaý alańdary, týrıstik soqpaqtar men kempıngtik aımaqtar paıda bolady. Kelýshilerdiń atpen qydyrýyna múmkindik jasalady», - deıdi SQO ákiminiń orynbasary Dáýren Jandarbek.
Óńirge keletin sheteldik demalýshylardyń 80% - Reseı Federatsııasynyń kórshi oblystarynyń turǵyndary. Osyǵan baılanysty kórshi memleketpen baılanystyratyn úsh kúre joldyń jaǵdaıy jaqsarady. Nátıjesinde jolǵa ketetin ýaqyt 30% qysqarmaqshy.
Jalpy, byltyr SQO-ǵa 126 myń adam demalýǵa kelgen. Bul sońǵy úsh jylmen salystyrǵanda 39% artyq. Sonyń ishinde shetelden keletin týrısterdiń sany 5 myńnan 11,5 myńǵa jetip, eki ese kóbeıgen.
Bolashaqta Shalqar-Imantaý kýrorttyq aımaǵynda júrgizilip jatqan aýqymdy jumystar nátıjesinde bir maýsymda 400 myń adamǵa deıin qabyldaýǵa múmkindik týmaq.
