SQO-ǵa bıyl 72 dáriger jumys isteýge keldi

PETROPAVL. QazAqparat – Soltústik Qazaqstan oblysynda dáriger jetispeýshiligi máselesi birtindep sheshilip jatyr, óńirge bıyl 72 dáriger jumys isteýge keldi, dep habarlaıdy QazAqparat tilshisi.

SQO-ǵa 2017 jyly 354 maman kerek bolsa, búgingi qajettilik 130 mamandy quraıdy. ıAǵnı kadr jetispeýshiligi máselesi áli de ótkir tur. Máselen, óńirde shtat boıynsha 38 kardıolog bolýy qajet. Qazir 25 maman ǵana bar.

«Oblystaǵy 13 aýdannyń 9-ynda basqa sala dárigerleri kardıologtyń qyzmetin qosa atqarady. Óńirdegi 4 aýdanda – Mamlıýt, Tımırıazev, Shal aqyn

jáne Jambyl aýdandarynda olardyń mindeti terapevterge júktelgen.

Alǵashqy medıtsınalyq-sanıtarlyq kómek aıasynda qyzmetkerler júıeli túrde kýrstardan ótip, kardıologııalyq aýrýlarǵa medıtsınalyq kómek

kórsetýge mashyqtanady. Bıyl bizdiń ortalyqta osylaısha 32 maman: 9 dáriger men 23 orta medıtsınalyq qyzmetker oqyp shyqty», - deıdi óńirdegi Kardıologııalyq ortalyqtyń dırektory Azamat Maǵzumov.

Kadr jetispeýshiligi máselesin sheshý úshin oblystyq bıýdjetten áleýmettik járdemaqy qarastyrylyp otyr. Óńirge jumys isteýge kelgen dárigerlerge 1,5 mln teńge kóleminde kótermeaqy beriledi. Munymen qosa baspana máselesin de sheshýge kómektesedi.

SQO densaýlyq saqtaý departamenti baspasóz qyzmetiniń málimetinshe, bıyl 72 dáriger keldi. Olardyń 40-y aýdandarǵa jumys isteýge ketse, qalǵany oblys ortalyǵynda qalǵan.

Al keler jyly olardyń qataryna taǵy 61 maman qosylady. Byltyr olar oblystyq bıýdjet esebinen rezıdentýraǵa oqýǵa jiberilgen edi.