SQO-ǵa «Ańsaǵan sábı» baǵdarlamasy boıynsha 190 kvota bólindi

PETROPAVL. QazAqparat – Soltústik Qazaqstan oblysynda sábı súıe almaı júrgen otbasylarǵa bıyl «Ańsaǵan sábı» baǵdarlamasy boıynsha 190 kvota bólindi. Jalpy úsh jylda óńirde ekstrakorporaldy uryqtandyrý jolymen ómirge 125 sábı dúnıege keldi, dep habarlaıdy QazAqparat tilshisi.

SQO kópsalaly aýrýhana perınataldyq ortalyq baspasóz qyzmetiniń málimetinshe, «Ańsaǵan sábı» baǵdarlamasy aıasynda bıyl óńirge 190 kvota bólingen. Bul - byltyrǵydan 20 kvotaǵa az. Qazirgi ýaqytta bolashaq ata-analar tekserýden ótip, qujattary jınalyp jatyr.

Perınataldyq ortalyqtyń bul baǵdarlamaǵa qatysqanyna úshinshi jyl. 2021 jyly 217 kvota bólinip, sonyń 90 % astamy paıdalanyldy. Osy aralyqta jasandy uryqtandyrýdyń nátıjesinde dárigerler 125 áıeldi bosandyryp aldy. Ómirge 16 egizder keldi.

Dárigerlerdiń aıtýynsha, EKO protsedýrasyn negizinen jasy 30-dan asqan kelinshekter alǵan.

Óńirde bedeýlik máselesi ótkir tur. Mamandar 700-den astam otbasyny reprodýktıvti qyzmeti buzylýyna baılanysty esepke alǵan.

Jalpy byltyr SQO perınataldyq ortalyǵy 6,5 myńnan artyq patsıentti qabyldap, 4,5 myńǵa jýyq kelinshekti bosandyrdy. Sonyń 1150-de kesar tiligi qoldanylǵan. Ómirge 65 egizder keldi.