SQO fermasynda maldyń nelikten qyrylǵany anyqtaldy
Veterınarııa basqarmasynyń basshysy Berik Áljanovtyń málimetinshe, Nur-Sultannyń Veterınarııa referenttik ortalyǵyna jiberilgen synamalardy zertteý nátıjesi ınfektsııalyq rınotraheıtti kórsetken.
Osy málimetter negizinde mamandar dıagnoz qoıyp, aýrý maldy emdeıdi.
«Fermerlik sharýashylyqtaǵy jaǵdaı turaqtandy. Malǵa em qonyp jatyr. Sodan keıin mal qyrylý faktileri tirkelgen joq. Veterınarlyq-sanıtarııalyq qaǵıdalardyń talaptary boıynsha sharýashylyqqa shekteý qoıylady. Dezınfektsııa sharalary, saý maldy vaktsınatsııalaý, aýrý maldy emdeý júrgiziledi. Shekteý sońǵy aýrý janýar jazylǵannan keıin 30 kúnnen soń joıylady. Osy kezeńde janýarlardy, olardan alynatyn shıkizatty, azyqtardy áketýge jáne ákelýge tyıym salynady», - dep túsindirdi B.Áljanov.
Onyń aıtýynsha, rınotraheıt bıýdjetten ótemaqy qarastyrylǵan mal aýrýlarynyń tizimine kirmeıdi.
Eske sala keteıik, Tımırıazev aýdanyndaǵy fermada 15 bas mal qyrylyp, 80-ge jýyǵy aýyrýǵa shaldyqqan edi.
