SQO: Esildiń eski arnasyna lastanǵan sý qaıdan kelgeni anyqtalyp jatyr
PETROPAVL. QazAqparat - Soltústik Qazaqstan oblysy boıynsha ekologııa departamenti Esildiń eski arnasyna lastanǵan sýdyń qaıdan quıylyp jatqanyn tekserip jatyr, dep habarlaıdy QazAqparat tilshisi.
Ózen arnasyndaǵy lastanǵan sý týraly ekologtarǵa jergilikti balyqshy habarlaǵan. Ol ózenniń eski arnasynda lastanǵan sýdyń meılinshe kúshti qarqynmen aǵyp jatqanyn ańǵarǵan.
«Taldaý úshin úlgiler aldyq. Nátıjeleri bes kúnde daıyn bolady. Munyń káriz júıesinen kelgen sý emes ekenin aldyn ala aıtýǵa bolady. Azot toby mólsheriniń artqany baıqalmaıdy. Aýyr metaldar úlesi normadan asyp ketken. Bul qubyrlar jaýyn-shashyn kárizderinen kelgen sýdy shyǵarýǵa arnalǵan. Qystygúni odan nelikten sý aǵyp jatqanyn anyqtaımyz. Tekseris júrgizý úshin tıisti organdarǵa da hat jiberemiz», - deıdi ekologııa departamentiniń basshysy Ermek Omarov.
Onyń aıtýynsha, lastanǵan sý eski arnamen aǵyp otyryp, Esil ózeniniń basseınine quıylady.
Avtory: Olesıa Jýkoven
