SQO Energetıka jáne kommýnaldyq sharýashylyq basqarmasyna jańa basshy taǵaıyndaldy

PETROPAVL. QAzAqparat - Soltústik Qazaqstan oblysynyń ákiminiń uıǵarýymen Soltústik Qazaqstan oblysy energetıka jáne kommýnaldyq sharýashylyq basqarmasy basshysynyń mindetin atqarýshy qyzmetine Tasmurat Qatqadamov taǵaıyndaldy. Bul týraly oblys ákimdiginiń baspasóz qyzmeti habarlady.

Tasmurat Oqanuly 1959 jyly Reseı Federatsııasy Altaı ólkesi Bor-Farpost selosynda dúnıege kelgen.

Ol Pavlodar ındýstrıaldy ınstıtýtyn, L.B.Goncharov atyndaǵy Qazaq avtokólik joldary ýnıversıtetin «ınjener-qurylysshy» mamandyǵy boıynsha támamdaǵan.

Eńbek jolyn 1974 jyly Pavlodar oblysynyń Maıqaraǵaı aýylynda mehanızator bolyp bastaǵan.

1986 jyldan 2011 jylǵa deıin Máskeý qalasyndaǵy «Spesetstroı» trestinde bólim masteri, bólim basshysy, «Anfostroı» JShQ bas dırektordyń orynbasary qyzmetterin atqarǵan.

Qazaqstan Respýblıkasynyń Prezıdentiniń kúzet qyzmetinde 2 jyl jumys istegen.

2003 jyldan 2014 jylǵa deıin «Rostransstroı» JShS dırektorynyń, «Korporatsııa Transstroı» AAQ qazaqstandyq fılıaly dırektorynyń orynbasary, «Qazaqstan vagon jasaý kompanııasy» JShS bas menedjeri, qurylys jónindegi basqarýshy dırektory, bas dırektorynyń personaldy basqarý jáne rejim jónindegi orynbasary bolǵan. «QazAvtoJol» «UK» AQ Pavlodar oblystyq fılıaly, «QazAvtoJol» UK» AQ-nyń aqyly avtomobıl joldary dırektorynyń orynbasary qyzmetin atqarǵan.

2014 jyldan 2015 jylǵa deıin Soltústik Qazaqstan oblysy memlekettik sáýlet-qurylys baqylaý jáne lıtsenzııalaý basqarmasy basshysynyń mindetin atqarǵan.

2015 jyldan bastap osy qyzmetke taǵaıyndalǵanǵa deıin «Olimp Construction» JShS dırektory bolyp qyzmet etti.