SQO ekonomıkalyq tergep-tekserý departamentine jańa basshy taǵaıyndaldy
PETROPAVL. KAZINFORM – QR Prezıdenti Ákimshiliginiń kelisimi boıynsha Qarjylyq monıtorıng agenttigi tóraǵasynyń buıryǵymen Baqytjan Abýlhaırov Soltústik Qazaqstan oblysy boıynsha Ekonomıkalyq tergep-tekserý departamentiniń basshysy qyzmetine taǵaıyndaldy.
Bul týraly vedomstvonyń baspasóz qyzmeti habarlady.
Ujymǵa jańa basshyny QR Qarjylyq monıtorıng agenttigi tóraǵasynyń orynbasary Jeńis Elemesov tanystyrdy.
Baqytjan Abýlhaırov Astana qalasynyń týmasy.
Qarjy polıtsııasy akademııasynyń túlegi.
2007-2016 jyldar aralyǵynda qarjy polıtsııasy organynda jáne sybaılas jemqorlyqqa qarsy qyzmette túrli laýazymda eńbek etti.
2016 jyldan bastap ekonomıkalyq tergep-tekserý qyzmetinde jumys istep keledi.
2022 jyldan bastap osy taǵaıyndaýǵa deıin Shymkent qalasy boıynsha ekonomıkalyq tergep-tekserý departamenti basshysynyń orynbasary bolyp eńbek etti.
Buǵan deıin Petropavlda polıtseıler sýıtsıd jasamaq bolǵan boıjetkendi aman alyp qalǵandyǵy týraly aıtqan edik.
