SQO ekonomıkalyq sotynyń tóraǵasy qylmys ústinde ustaldy — Joǵarǵy sot
ASTANA. KAZINFORM — Ol 15 myń AQSh dollary somasynda para alý kezinde ustalyp qalǵan. Bul týraly Joǵarǵy sottyń baspasóz qyzmeti málim etti.
— Búgin, 2024 jylǵy 19 jeltoqsanda Ulttyq qaýipsizdik komıteti men QR Sot ákimshiliginiń Petropavl qalasy boıynsha Іshki qaýipsizdik bóliminiń birlesken is-sharasynyń nátıjesinde Soltústik Qazaqstan oblysynyń mamandandyrylǵan aýdanaralyq ekonomıkalyq sotynyń tóraǵasy B., sottyń múddeli tulǵanyń paıdasyna oń sheshimi úshin 15 myń AQSh dollary somasynda iri kólemde para alý kezinde qylmys ústinde ustaldy, — delingen habarlamada.
Aıta keteıik, osyǵan deıin Abaı oblysy kóshi-qon qyzmeti basqarmasynyń basshysy para aldy degen kúdikke ilingenin jazdyq.
Sondaı-aq, SQO-da aýdan ákiminiń orynbasary para aldy degen kúdikpen ustalǵany habarlandy.