SQO: Eki qyz kólge batyp kete jazdady
PETROPAVL. QazAqparat – Soltústik Qazaqstan oblysynda qutqarýshylar bir kúnde úsh adamdy ólimnen arashalap aldy, dep habarlaıdy QazAqparat tilshisi.
Oblystyń tótenshe jaǵdaılar departamenti baspasóz qyzmetiniń málimdeýinshe, Pestroe kólinde qutqarýshy Rýslan Asqapov eki kishkentaı qyzdy qutqaryp alǵan. Biri 12, ekinshisi 10 jasar eki qyz arnaıy shomylý quralynsyz kólde shomylyp júrip, jaǵaǵa jete almaı qalǵan. Qyzdardyń baǵyna oraı, qutqarýshy der kezinde qajet jerden tabyla bildi.
Dál sol kúni R.Asqapov áriptesimen birge 52 jastaǵy er adamdy da qutqardy. Masaıǵan er adam sý betindegi qalqymany qýamyn dep júrip, jaǵaǵa jete almaı qalǵan.
Qutqarýshylar shomylý kezinde qaýipsizdik erejelerin saqtaýǵa, balalardy qaraýsyz qaldyrmaýǵa, mas kúıde sýǵa túspeýge shaqyrady.
Óńirdegi sý aıdyndarynda 17 adamnyń ólimi tirkeldi, sonyń altaýy shomylamyn dep sýǵa batyp ketken.
Avtor: Olesıa Jýkoven
