SQO dýaldi oqytýdyń jol kartasy iske qosyldy
PETROPAVL. QazAqparat - Soltústik Qazaqstan oblysy Kásipkerler palatasy jergilikti atqarýshy organdarmen jáne uıymdarmen birigip, «Dýaldi oqytýdyń jol kartasyn» júzege asyrýda, dep habarlady SQO UKP baspasóz qyzmeti.
Qazir onda 91 kásiporyn men 15 kolledj biriktirilgen. 2 489 stýdentti qamtıtyn 84 úsh jaqty kelisimshart jasaldy.
SQO ákimdigimen birlesip, 22 kásiporyn 12 tehnıkalyq jáne kásibı bilim beretin uıymdardy qamqorlyǵyna aldy. «Petropavl aýyr mashına jasaý zaýyty» AQ men Petropavl q. Mashına jasaý zaýyty, «Munaımash» AQ jáne gýmanıtarlyq-tehnıkalyq kolledj, «Osnovanıe» JShS jáne Petropavl qurylys-ekonomıkalyq kolledj arasynda qamqorlyqqa alý týraly 3 kelisimshart jasaldy.
Arnaıy pán oqytýshylary men óndiristik oqytý sheberleri oblys kásiporyndarynda taǵylymdamadan ótedi, jyl saıyn 40 kolledj jumysshysy áleýmettik seriktesterinde biliktilik deńgeıin kóteredi.
Sonymen birge, klasterlik qamqorlyq modeli engizilip jatyr. Máselen, mashına jasaý kolledjiniń 2 jáne 3 kýrs stýdentteri Petropavl aýyr mashına jasaý zaýyty» AQ aqyly kásibı taǵylymdamadan óte alady.
M.Qozybaev atyndaǵy Soltústik Qazaqstan memlekettik ýnıversıteti bazasynda kafedra bólimderi ashylatyn kásiporyndar tizimi qurylyp jatyr.
