SQO dıqandary bıyl 5 mln tonna dándi daqyl alýdy josparlap otyr
SQO aýyl sharýashylyǵy jáne jer qatynastary basqarmasynyń málimetinshe, bıyl egistik jer shamamen 100 myń ga-ǵa ulǵaıtylǵan. Dıqandarǵa 4,4 mln ga alqaptan dándi jáne maıly daqyldardy jınaý mindeti tur. Sonyń ishinde 3,1 mln ga dándi, dándi-burshaqty daqyldar, 1 mln ga maılly daqyldar, 31,5 myń ga kartop jáne 5,8 myń ga kókónis egildi. Alqaptardy ártaraptandyrý maqsatynda jasymyq alqaby 33,1-den 66,3myń ga deıin, kúnbaǵys 61,6-dan 119,3 myń ga deıin ulǵaıtyldy.
«Biz kóp jylǵy tájirıbeni negizge ala otyryp, bıyl dándi jáne dándi-burshaqty daqyldardan 5 mln tonna astyq, ár gektardan orta eseppen 16 tsentnerden astam ónim alamyz dep boljap otyrmyz. Búgingi kúni barlyq alqaptyń 11,5 % jınaldy, ónimdiligi ázirge 11 ts/ga», - deıdi SQO aýyl sharýashylyǵy jáne jer qatynastary basqarmasy basshysynyń orynbasary Janat Toqsanbaev.
Bıyl egin oraǵyna 7,3 myń kombaıyn shyqqan, onyń 3,8 myńy ónimdiligi joǵary tehnıka, budan basqa 4,7 myń destelegish, 5,8 myń júk kóligi jumyldyryldy.
Mamannyń aıtýynsha, dıqandar dızel otynynan da qıyndyq kórmeıdi, óńirge 78,5 myń tonna arzandatylǵan suıyq otyn bólindi.
«Jańa astyqty saqtaıtyn oryn jetkilikti, oblysta jalpy aýmaǵy 6,6 mln tonna sııatyn astyq qoımalary bar. Bul bar qajettilikti jaýyp otyr.
Mal sharýashylyǵyna qajet jem-azyq ta umyt qalǵan joq. Shóp shabý naýqany qyzǵan. Osy kúnge deıin 862 myń tonna shóp ázirlendi. Bul qajettiliktiń 99 %, sondaı-aq 175,5 myń tonna pishen daıyndaldy», - deıdi Janat Toqsanbaev.