SQO: Densaýlyq saqtaý júıesinde satyp alý alǵash ret elektrondy formatta júrgizildi
«Áleýmettik medıtsınalyq saqtandyrý qory» Soltústik Qazaqstan fılıaly baspasóz qyzmetiniń habarlaýynsha,
2018 jyldan bastap medıtsınalyq saqtandyrý qory tegin medıtsınalyq kómektiń kepildik berilgen kólemi men mindetti áleýmettik medıtsınalyq saqtandyrý paketteriniń qarjylyq operatory. QR Úkimeti bekitken tártip boıynsha ol halyqqa qajet medıtsınalyq qyzmetterdi satyp alady. ÁMSQ qyzmetiniń qaýipsizdik deńgeıin arttyryp, aıqyndylyqty qamtamasyz etý úshin, sondaı-aq adamı faktordy tómendetý jáne memlekettik tapsyrysty oryndaıtyn medıtsınalyq qyzmetterdi kórsetýshilerdi irikteýde ýaqytty qysqartý úshin elektrondyq formatqa aýystyryldy.
«ÁMSQ» KEAQ SQOF baspasóz qyzmetiniń aqparaty boıynsha, 2020 jyly óńirdiń densaýlyq saqtaý salasyndaǵy satyp alýǵa 38 mlrd teńgeni jumsaý josparlanǵan. Bul somanyń 28 mlrd teńgesi tegin medıtsınalyq kómektiń kepildik berilgen kólem paketine, al 10 mlrd teńge mindetti medıtsınalyq saqtandyrý paketine beriledi. Budan basqa jalpy bıýdjetke Soltústik Qazaqstannyń densaýlyq saqtaý salasynyń shyǵyndary engizildi. Bul - medıtsına qyzmetkerleriniń eńbekaqysy, dári-dármekterdiń quny, uıymdarda tamaqtandyrý men kútip-ustaýǵa jumsalatyn shyǵyndar.
2019 jyldyń 3 jeltoqsanynan bastap medıtsınalyq qyzmet kórsetetinderden ótinimder qabyldana bastady. Olardyń óz habarlandyrýlaryn jarııalaýǵa on kúnderi bar. 13 jeltoqsannan keıin ótinimderdi medıtsınalyq saqtandyrý qorynyń, densaýlyq saqtaý basqarmasynyń jáne respýblıkalyq elektrondy densaýlyq saqtaý ortalyǵynyń ókilderi kiretin arnaıy komıssııa qaraıdy. Nátıjesinde medıtsınalyq qyzmet kórsetetindermen kelisim shart jasalyp, qarjy bólinedi.
Densaýlyq saqtaý júıesinde satyp alýdyń veb portal arqyly júzege asyrylýy eń aldymen qujatty resimdeýge ketetin ýaqytty únemdemek. Bul eki tarap - Qor úshin de, medıtsınalyq uıymdar úshin tıimdi. Budan basqa, medıtsınalyq uıymdar Qordyń fılıaldaryndaǵy qujattarǵa qol qoıý qajettiginen arylyp, qaǵaz qujat aınalymyna jumsalatyn shyǵyndardy qysqartady. Osynyń bári jumys ýaqytyn tıimdi paıdalanýǵa múmkindik bermekshi.
