15:37, 20 Qazan 2021 | GMT +5
SQO Densaýlyq saqtaý basqarmasynyń basshysyna qatysty sotqa deıingi tergeý júrgizilip jatyr
PETROPAVL. QazAqparat – Soltústik Qazaqstan oblysy densaýlyq saqtaý basqarmasy basshysyna qatysty sotqa deıingi tergep-tekserý júrgizilip jatyr, dep habarlaıdy QazAqparat tilshisi.
Antıkor ortalyǵy servıstik ortalyǵynda QR Sybaılas jemqorlyqqa qarsy is-qımyl agenttiginiń SQO boıynsha departament basshysynyń birinshi orynbasary Nurlan Jahınniń qatysýymen brıfıng ótti.
«Tergeý júrgizildi. Alaıda sotqa deıingi tergep-tekserý boıynsha istiń mán-jaıy QR Qylmystyq-protsessýaldyq kodekstiń 201-baby boıynsha jarııalanbaıdy. Sot úkimi shyǵýyn kútemiz», - deıdi Nurlan Jahın.
Buǵan deıin áleýmettik jelide oblystyq densaýlyq saqtaý basqarmasy basshysynyń Petropavldaǵy emdeý mekemeleriniń biriniń dırektorynan 1 myń AQSh dollary mólsherinde para alǵandyǵy týraly málimet jarııalanǵan edi.