SQO densaýlyq saqtaý basqarmasynyń jańa basshysy taǵaıyndaldy
ASTANA. KAZINFORM — Sáken Amrın Soltústik Qazaqstan oblysy ákimdiginiń Densaýlyq saqtaý basqarmasyn basqaratyn boldy, dep habarlaıdy oblys ákimdiginiń baspasóz qyzmeti.
— Oblys ákiminiń ókimimen, Qazaqstan Respýblıkasy Densaýlyq saqtaý mınıstrligimen kelisim boıynsha Sáken Ómerserikovıch Amrın Soltústik Qazaqstan oblysy ákimdiginiń Densaýlyq saqtaý basqarmasynyń basshysy bolyp taǵaıyndaldy, — delingen habarlamada.
Sáken Ómerserikuly 1984 jyly Shal aqyn aýdany, Sergeevka qalasynda dúnıege kelgen. 2007 jyly Astana qalasyndaǵy Qazaq memlekettik medıtsına akademııasyn «Emdeý isi» mamandyǵy boıynsha támamdaǵan.
Eńbek jolyn 2008 jyly akýsher-gınekolog bolyp Oblystyq perınataldyq ortalyqta jáne 3-shi qalalyq aýrýhanada bastaǵan. Sońǵy jyldary KGP na PHV «Kópsalaly oblystyq aýrýhananyń» bas dırektory qyzmetin atqardy.
Jetekshilik tájirıbesi mol maman retinde Sáken Ómerserikuly óńirdiń densaýlyq saqtaý salasynyń damýyna, telemedıtsınany engizýge, medıtsınany tsıfrlandyrýǵa, alǵashqy medıtsınalyq-sanıtarlyq kómekti nyǵaıtýǵa jáne aýyl turǵyndary úshin qoljetimdilikti arttyrýǵa erekshe kóńil bóletin bolady.
Jańa basshyny oblys ákiminiń orynbasary Júsip Jumaǵulov tanystyryp, oǵan tabys, jemisti eńbek jáne áriptesteriniń qoldaýyn tiledi.
Buǵan deıin ShQO Bilim basqarmasyna jańa basshy taǵaıyndalǵanyn jazdyq.