SQO-dan urlanǵan bir úıir jylqy Aqmola oblysynan tabyldy
SQO polıtsııa departamenti baspasóz qyzmetiniń málimetinshe, byltyr 19 qarashada Ýálıhanov aýdanynyń polıtsııa bólimine shalǵaıdaǵy Qazanǵap aýylynyń turǵyny aryzdanyp, erkin jaıylymnan 40 jylqynyń joǵalǵanyn aıtqan. Jábirlenýshi maldy birneshe kún ózi izdegen, keıin ýchaskelik polıtsııa ınspektoryna júgingen.
Boljam boıynsha qylmys qarashanyń 4-i men 8-i aralyǵynda jasalǵan. Keltirilgen shyǵyn 15 mıllıon teńgeden asty.
Atalǵan fakti «Mal urlyǵy» baby boıynsha Sotqa deıingi tergep-tekserýlerdiń biryńǵaı tizilimine engizildi.
SQO PD bastyǵynyń orynbasary Rýslan Nazarovtyń aıtýynsha, krımınaldyq polıtsııa basqarmasy men aýdandyq polıtsııa bólimi tájirıbeli qyzmetkerlerden jedel-tergeý tobyn qurǵan. Mal urlyǵy boıynsha baǵdar oblystyń aýmaqtyq polıtsııa bólinisteri men elimizdiń polıtsııa departamentterine joldandy.
Jedel-izdestirý is-sharalary nátıjesinde uqsas belgileri boıynsha eki jylqy kórshi Aqmola oblysynyń Zerendi aýdany turǵyndarynyń biriniń qosalqy sharýashylyǵynan tabylǵan. Salynǵan tańba janýarlardyń jábirlenýshige tıesiligin rastady.
Odan ári júrgizilgen jedel is-sharalar nátıjesinde, bul jylqylardy týysyna tastap ketken 53 jastaǵy Býrabaı aýdany turǵynynyń izine túsýge múmkindik berdi.
Nátıjesinde jedel ýákilder osy urlyqqa qatysy bar 35 pen 50 jas aralyǵyndaǵy Aqmola oblysynyń úsh turǵyny men eki soltústikqazaqstandyqty anyqtady. Kúdiktilerdiń barlyǵy da tabynshylar.
Tergeý jarty jyldan astam ýaqytqa sozyldy, ustalǵandar ózderiniń qylmysqa qatystylyǵyn joqqa shyǵaryp, bergen jaýaptaryn birneshe ret ózgertken.
Degenmen, jedel-tergeý toby qylmysty ashty. Birneshe kún, kúdiktiler aýysyp otyryp, urlanǵan jylqylardy Aqmola oblysyna aıdap aparyp, sol jerde bólgen. Qazirgi ýaqytta materıaldar sotqa tapsyryldy.
