SQO-dan Reseıge 3,1 keli geroın jetkizbek bolǵan adam sottaldy
PETROPAVL. QazAqparat - Soltústik Qazaqstan oblysynan Reseıge kontrabandalyq jolmen 3,1 keli geroın jetkizbek bolǵan adam sottaldy, dep habarlaıdy QazAqparat QR UQK saıtyna silteme jasap.
«QR UQK Soltústik Qazaqstan oblysy boıynsha departamenti asa iri mólsherde esirtkine ótkizý maqsatynda ony zańsyz saqtaǵan jáne tasymaldaýdy júzege asyrǵan Qazaqstan N.Dosmuhamedovtiń zańǵa qaıshy áreketin anyqtap, jolyn kesti», delingen habarlamada.
Atap aıtqanda, 2018 jylǵy tamyzda N. Dosmuhamedovtiń Reseıge geroın partııasyn kontrabandalyq jolmen jetkizbek bolǵany týraly departamentke málimet kelip túsken.
Jedel-izdestirý is-sharalarynyń nátıjesinde N. Dosmuhamedov Petropavl qalasynan shyqqan kezde ustaldy. Onyń kóligin tekserý kezinde jasyrylǵan 3,1 keli geroın tabylyp, tárkilendi.
2019 jylǵy 7 aqpanda Soltústik Qazaqstan oblysy Qylmystyq ister boıynsha mamandandyrylǵan aýdanaralyq sotynyń úkimimen N. Dosmuhamedov QR QK-niń 297-baby 3-bólimi boıynsha kináli dep tanylyp, 10 jylǵa bas bostandyǵynan aıyryldy. Ol jazasyn qaýipsizdik deńgeıi barynsha joǵary túzeý kolonııasynda óteıdi.
