SQO-daǵy zaýytta kompıýterler qurastyrylyp jatyr
PETROPAVL. QazAqparat – Soltústik Qazaqstan oblysyndaǵy Kırov atyndaǵy zaýyt kompıýter qurastyrýdy qolǵa aldy, dep habarlaıdy QazAqparat tilshisi.
SQO ákimi baspasóz qyzmetiniń málimetinshe, búgin óńir basshysy Qumar Aqsaqalov Petropavldaǵy Kırov atyndaǵy zaýytta bolyp, kompıýterlik tehnıkany qurastyrý protsesiniń barysyn qadaǵalady.
Kásiporyn qyrkúıek aıyna deıin 5 myń kompıýterdi qurastyrmaq.
Zaýyt kompıýterlik tehnıkany birge shyǵarýǵa «Great Wall» qytaılyq kásiporynmen kelisimge otyrdy. «Microsoft» korporatsııasymen de tikeleı kelisim jasaldy.
«Bul jobanyń bizde bolǵany óte mańyzdy. Birinshi kezeńde kompıýterlerdi qurastyramyz. Ekinshi kezeńde platalar shyǵaryla bastaıdy. Oǵan arnaıy alynǵan jańa qondyrǵy bar. Biz mamandardy Qytaıǵa jiberip, oqytamyz. Kompıýterlerge suranys joǵary. Biz qazir mektepterge zaýyttan shyqqan 2 myń kompıýterdi alyp jatyrmyz. Kórshi oblystar da qyzyǵýshylyq tanytyp jatyr. Osy jobanyń arqasynda jańa jumys oryndary ashylyp jatyr. Tek birinshi partııanyń esebinen zaýyt bıýdjetke 120 mln tg salyq tóledi», - dedi Qumar Aqsaqalov.
Jalpy kásiporyn 1 qyrkúıekke deıin «ZIK» markaly 5 myń kompıýterdi qurastyryp shyǵarýy tıis. Al jańa jylǵa deıin taǵy 50 myń kompıýter men 50 myń noýtbýkti saýdaǵa shyǵarmaq.
