SQO-daǵy ıAkor aýylyna 20 jyldan keıin taza sý jetpek
Qyzyljar aýdany ıAkor eldi mekeniniń 2 myńnan astam turǵyny bar. Aýyl halqy shamamen 20 jyldan astam sýdan tapshylyq kórip otyr. Munda ol belgili bir ýaqytqa, ıaǵnı saǵat 16.00-den 23.00-ge deıin ǵana beriledi. Oǵan tozyǵy jetip, eskirgen qubyrlar sebep.
«Qubyrlardy tot basqan, odan aqqan sý sarǵylt túske boıalady. Ábden tozyǵy jetkendikten bar qýatynda jáne táýlik boıyna qosa almaımyz. Shirigen qubyrlar birden jaryla bastaıdy», - deıdi ıAkor aýyldyq okrýginiń ákimi Valerıı Tıhıı.
Bıyl eldi mekende sý júıesin aýystyrý jumystary bastaldy. Aýylda 12 shaqyrym sý qubyry jańadan tóselmek. Іske asyrýǵa respýblıkalyq, oblystyq bıýdjetten qarjy bólindi. Joba 463 mln teńge turady. Merdiger kompanııa jumysty mamyr aıynda bastap, osy kúnge deıin 5 shaqyrymyn aýystyrdy. Jospar boıynsha kelesi jyly aýyldyqtar taza sýǵa qol jetkizbek.
Merdiger sýdy bıyl da berer edi, alaıda, baǵanyń ósýine baılanysty eńbekaqyǵa, jumsalatyn shyǵynǵa túzetý engizedi. Sol sebepti aýylǵa taza sý kelesi jyly ǵana berilmek.
Al jumystyń sapaly atqarylýy, qarajattyń tıimdi jumsalýy óńirdiń azamattyq qoǵam belsendileriniń nazarynda bolady.
«Qoǵam mundaı iri jobalardy baqylaýda ustaýy kerek, ol jaıynda biz 3-4 jyldan beri aıtyp kelemiz. Endi bıyldan bastap memlekettik satyp alý týraly tıptik kelisim-shartta tapsyrys berýshilerdiń nemese olardyń ókilderiniń tehnıkalyq erekshelikke nemese jobalyq-smetalyq sáıkestigin tekserý tarmaǵy paıda boldy. Aldymen bul suraqty Qyzyljar aýdanynyń turǵyn úı-kommýnkaldyq sharýashylyǵymen pysyqtadyq, óıtkeni olar tapsyrys berýshiler. Keıin Qyzyljar aýdanynyń ákimine osy jerde alǵash ret osyndaı baqylaý jumysyn júrgizýdi usyndyq. Endi búginnen bastap aýyldyń belsendi úsh azamaty jumystyń atqarylý barysyn birge qadaǵalaıtyn bolady. Olar qujat boıynsha turǵyn úı-kommýnaldyq sharýashylyǵy bóliminiń ókilderi. Keıin jyl sońynda turǵyndarmen esep berý kezdesýin ótkizemiz. Muny biz qoldanysqa engizýimiz kerek, turǵyndar ózderi de atqarylyp jatqan jumystyń sapaly bolýyn baqylaýda ustaýǵa atsalysýy qajet», - deıdi «Birinshi sybaılas jemqorlyqqa qarsy medıa ortalyq» RQB SQO boıynsha fılıal basshysy Rýslan Asaýbaev.
Esterińizge salaıyq, ıAkor aýylyndaǵy sý máselesin halyqtyń suraýymen medıatulǵalar da birneshe ret kótergen edi.