SQO-daǵy túzetý mekemelerinde 13 jazasyn óteýshi nekege otyrǵan
PETROPAVL. QazAqparat – Soltústik Qazaqstan oblysyndaǵy ES-164/3 mekemesindegi jazasyn óteýshi úılenip, AHAT qyzmetkerleri «neke qııý týraly» kýálikti erli-zaıyptyǵa saltanatty túrde tabys etti, dep habarlaıdy QazAqparat tilshisi.
SQO qylmystyq-atqarý júıesi departamenti ES-164/3 mekemesiniń málimetinshe, jazasyn óteýshiler bostandyqqa shyqqannan keıin esh qıyndyqsyz ómirden óz ornyn tabýy úshin keshendi jumys atqarylady. Jumyspen qamtý ortalyǵy jáne probatsııa qyzmetimen birge olardyń týystyq, áleýmettik tıimdi baılanystary úzilmeýi úshin tıisti is-sharalar júrgiziledi.
«Bul jumystar óz nátıjesin berip jatyr. Túzetý mekemesinde jazasyn óteýshi jańa jylda otbasyn quryp, úılendi. Bul ár adam úshin onyń ómirindegi mańyzdy oqıǵa. Al jazasyn ótep júrgenderge durys jolǵa túsýge qosymsha túrtki bolady, yntasyn oıatady. Tezirek jazasyn oryndap shyǵýy úshin tártipti buzbaıdy, otrıadtyń qoǵamdyq ómirine belsene aralasady», - deıdi SQO qylmystyq-atqarý júıesi departamenti ES-164/3 mekemesiniń basshysy Tamerlan Valıev.
SQO-da ES-164/1,3,6,8 túzetý mekemeleri bar. Byltyr bul mekemelerde jazasyn óteýshilerdiń 13-i úılenip, «neke qııý týraly» kýáligin aldy. Bir ret shalys basqan olar jazasyn ótep shyqqasyn bostandyqta óz otbasyn quryp, bala súıýden úmitti.
