SQO-daǵy «tornadoǵa» qatysty vıdeoǵa túsinik berildi
PETROPAVL. QazAqparat – Soltústik Qazaqstan oblysynda áleýmettik jeli qoldanýshylary aımaqta tornado bolǵany túsken vıdeony taratýda, dep habarlaıdy QazAqparat tilshisi.
Pablıkte qoldanýshylar kadrler Aıyrtaý aýdany Antonovka aýylynda jasalǵanyn jazyp jatyr. Vıdeoǵa túsirip turǵan er adamnyń aıtýynsha, aýada tornado paıda bolǵanǵa deıin shý estilgen. «Qazgıdromet» RMK fılıaly QazAqparat tilshisine vıdeoǵa túsip qalǵan osy bir tabıǵı qubylys týraly túsindirip ótti.
«Vıdeodaǵy ornalasqan jerdi, ýaqyt pen kúndi anyqtaý qıyn. Túsirilgen meteorologııalyq qubylysty quıyn nemese tornado dep ataýǵa bolmaıdy. Bul oıyq bult, ıaǵnı bulttan shyqqan oıyq, jerge jetpeıtin kondensatsııalanǵan sý tamshylarynan turatyn oıyq shuńqyr. Mundaı oıyqtar fronttardyń túıisken jerinde túıdek-jańbyrly (naızaǵaı) bultta paıda bolýy múmkin. Sol aýdannyń Saýmalkól aýylynda ornalasqan bizdiń meteostantsııa mundaı aýa-raıy qubylysyn tirkegen joq», - dep túsinik berdi fılıal dırektorynyń orynbasary Natalııa Levına.
