SQO-daǵy shatyry qulaǵan mekteptiń oqýshylary qashyqtan oqytýǵa jiberildi

PETROPAVL. QazAqparat – Soltústik Qazaqstan oblysynda shatyry qulaǵan Toqshyn mektep-gımnazııasynda qazir arnaıy komıssııa jumys istep jatyr. Mektep oqýshylary qashyqtan oqýǵa jiberildi, dep habarlaıdy QazAqparat tilshisi.

SQO bilim basqarmasynyń basshysy Názir Jáshibekovtyń aıtýynsha, 4 sáýir kúni keshki saǵat 18.00 shamasynda Aqqaıyń aýdany, Toqshyn aýylyndaǵy mektep-gımnazııanyń shatyry opyrylyp tústi. Bul mektepte 293 oqýshy bilim alady, oqys oqıǵa kezinde balalar bolmaǵan. ıAǵnı zardap shekkender, qaza tapqandar joq.

«Shatyry qulasymen-aq biz oqıǵa ornyna bardyq. Aldyn-ala boljam boıynsha shatyrdan sýdyń aǵýy jáne sonyń saldarynan qabyrǵanyń qulaýy shatyrdyń opyrylyp túsýine sebep bolǵan.

Shamamen shatyrdyń 140 sharshy metri qulaǵan. Qazirgi ýaqytta arnaıy komıssııa quryldy, ol apattyń sebepterin anyqtaıtyn bolady. Oqıǵa ornynda mamandar jumys istep jatyr. Mektep apatty jaǵdaıda dep tanylmaǵan. Eger olar ǵımarat qaýipsiz dese, onda balalar oqýlaryn jalǵastyrady. Qazirgi ýaqytta oqýshylar ýaqytsha qashyqtan oqýǵa jiberildi», - deıdi Názir Jáshibekov.

Ǵımarat 1965 jyly salynǵanymen, osy ýaqytqa deıin kúrdeli jóndeý júrgizilmegen. Byltyr bólek turǵan mektep ınternatynyń shatyryn aýystyrýǵa 12 mln teńge jumsaldy. Al bıyl mektepti kúrdeli jóndeýge 144 mln teńge bólingen eken.

Qazir SQO-da apatty jaǵdaıda turǵan 3 mektep bar, olardyń barlyǵy Taıynsha aýdanynda ornalasqan. Ekeýiniń ornyna jańa mektep salynyp jatyr. Úshinshisiniń qurylysy boıynsha jobalyq-smetalyq qujattar ázirlenbek. Jalpy bıyl 35 mektepte kúrdeli jóndeý jumystaryn júrgizý úshin 2,5 mlrd teńge bólingen.