SQO-daǵy mektep ǵımaraty ádeıi buzylǵan
PETROPAVL. QazAqparat - SQO-da apatty jaǵdaıda turǵan mektepke japsarlas ǵımarat ádeıi buzylǵan, dep habarlaıdy QazAqparat tilshisi.
SQO ákimi baspasóz qyzmetiniń habarlaýynsha, 21sáýir túngi ýaqytta Taıynsha qalasyndaǵy №1 orta mekteptiń japsarlas ǵımaraty buzylyp alyndy. Onyń jalpy aýmaǵy 18 sharshy metr. Atqarylǵan jumystar balalardyń mektepte oqýyn jalǵastyrýyna kedergi ákelgen joq.
«Qysta ǵımarat qabyrǵasynda joǵarydan tómen ketken jaryq paıda boldy. Quzyrly mekemeler teksere kele, japsarlas salynǵan bul ǵımaratty buzý týraly qorytyndy shyǵardy. Ol jerde apat kezinde shyǵatyn esik bolǵan. Sondyqtan kún jylynǵasyn oqý jylynyń aıaqtalǵanyn kútpeı buzyp alý týraly sheshim shyǵaryldy», - delingen oblystyq ákimdiktiń aqparatynda.
Eske sala ketsek, atalǵan mektep ǵımaratyna japsarlas salynǵan nysannyń opyrylyp túskeni týraly habarlaǵan bolatynbyz.
