SQO-daǵy kolonııada 200-den astam áıel jazasyn ótep jatyr
PETROPAVL. QazAqparat – Soltústik Qazaqstan oblysynda Qylmystyqatqarý júıesi departamenti BAQ ókilderine ES-164/6 mekemesinde baspasóz týryn uıymdastyrdy, dep habarlaıdy QazAqparat tilshisi.
Іs-shara barysynda buqaralyq aqparat quraldarynyń ókilderi ES –164/6 mekemesiniń negizgi nysandary - ashana, medıtsınalyq bólim, jasaqtar, óndiristik aımaq, kınologııalyq qalashyq, monsha-kir jýý kesheninde boldy.
SQO QAJD baspasóz qyzmetiniń málimetinshe, ES-164/6 mekemesi – jalpy ustaý rejımindegi Qazaqstandaǵy alty áıelder kolonııasynyń biri.
Onda túrli qylmystar úshin 200-den astam áıel jazasyn ótep jatyr. Olar negizinen SQO, Qostanaı jáne Aqmola oblystarynyń turǵyndary.
Orta bilimi týraly attestaty joq sottalǵandar keshki mektepte bilim alady. Qazir onda 30 jasqa deıingi 24 qyz-kelinshek 9 ben 12 synypta oqyp jatyr.
Іndetke baılanysty týǵandarymen kezdesýge shekteý qoıylǵandyqtan sottalǵandar jaqyndarymen ınternet arqyly beıne qońyraý shalyp, tildese alady.
SQO boıynsha QAJD bastyǵynyń orynbasary Aleksandr Kochkınniń aıtýynsha, mekeme aýmaǵynda birneshe jeke kásipker óz isin ashqan. 173 sottalǵan birneshe tigin tsehynda, jylyjaı men ashanada jumys isteıdi.
Eńbekaqylary 20-50 myń teńge shamasynda.
«Koronavırýs ınfektsııasynyń alǵashqy tolqynynda sottalǵandar arasynda 8 adam syrqattandy. Olardyń ekeýiniń ókpesi qabynsa, qalǵany koronavırýstyń jeńil túrin juqtyrdy. Ózimizde arnaıy provızorlyq ortalyq bar. Qaýipti vırýspen kúreske daıynbyz», - deıdi Aleksandr
Kochkın.
