SQO-daǵy kólik apatynan 6 adam zardap shekti
PETROPAVL. QazAqparat – Soltústik Qazaqstan oblysy Aıyrtaý aýdany Saýmalkól aýylynyń mańynda eki kólik soǵylyp, saldarynan 2 adam qaza tapty, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń málimetinshe, 20 qazan kúni «Kókshetaý-Rýzaevka» avtojolynda Aıyrtaý aýdany Saýmalkól aýylynyń mańynda Mercedes-Benz avtokóliginiń júrgizýshisi rólge ıe bola almaı, joldyń qarama-qarsy baǵytyna shyǵyp ketip, «GAZel» avtokóligimen soqtyǵysqan.
Saldarynan alty adam zardap shekti: 39 jastaǵy áıel jáne 9 jasar qyz bala birden ortalyq aýdandyq aýrýhanasyna jetkizilgenimen dárigerler olardyń ómirine arasha túse almady. Mercedes-Benz avtokóligin basqarǵan Aqmola oblysynyń 39 jastaǵy turǵyny, sondaı-aq 1956 jyly týǵan «GAZel» avtokóliginiń bir jolaýshysy aýrýhanaǵa jetkizildi. «GAZel» avtokóliginiń 24 jastaǵy júrgizýshisine jáne onyń 27 jastaǵy jolaýshysyna medıtsınalyq kómek kórsetilgennen keıin úılerine jiberildi.
Jol-kólik apaty Sotqa deıingi tergep-tekserýdiń biryńǵaı tizilimine engizildi. Birneshe qajetti saraptamalar taǵaıyndaldy.
