SQO-daǵy «Qazavtojol» bólimshesiniń dırektory eki aıǵa qamaýǵa alyndy
PETROPAVL. QazAqparat - «Qazavtojol» UK» AQ SQOB dırektory Askar Jankın «Para alý» baby boıynsha eki aıǵa qamaldy, dep habarlaıdy «QazAqparat» HAA tilshisi oblystyq sottyń baspasóz qyzmetine silteme jasap.
Baspasóz qyzmetiniń aqparaty boıynsha, Aleksandr Lýtsenko da eki aıǵa 368-baptyń 2-tarmaǵy «Paraqorlyqqa deldal bolý» boıynsha qamaýǵa alynǵan. 3 naýryz kúni «K-Dorstroı» qyzmetkeri Serik Ramazanov 367-baptyń 2-tarmaǵy «Para berý» boıynsha eki aıǵa tutqyndalǵan edi. Ramazanov pen Lýtsenko qamaýǵa alý týraly sheshimge qarsylyq bildirgen edi.
Buryn SQO boıynsha jemqorlyqpen kúres ulttyq bıýrosynyń departamenti habarlaǵandaı, Asqar Jankın «Nurly jol» memlekettik baǵdarlamasy aıasynda Ulttyq qordyń qarjysy esebinen respýblıkalyq mańyzy bar avtomobıl joldaryn qaıta qurýdy júzege asyratyn merdiger uıymǵa basymdyq berý úshin 4 mln teńge kóleminde para alǵany úshin tutqyndalǵan.
Sottyń baspasóz qyzmeti atap ótkendeı, merdiger talap etilgen jumysty jasamaǵan, al Asqar Jankın jalpy somasy 15,37 mıllıon teńge turatyn jumysty atqarýyn talap etý týraly hat joldamaǵan.
