SQO-daǵy Qazaqstan-Reseı ýnıversıtetiniń burynǵy rektory 6 jylǵa bas bostandyǵynan aıyryldy
ASTANA. 31 naýryz. QazAqparat /Gúlmıra Álıakparova/ - Stýdentterdiń 70 mln. teńgeden astam qarjysyn óz paıdasyna jaratqan Soltústik Qazaqstan oblysyndaǵy Qazaqstan-Reseı ýnıversıtetiniń burynǵy rektory 6 jylǵa bas bostandyǵynan aıyryldy.
QR Bas prokýratýrasynan málim etkendeı, jekemenshik bilim berý mekemesiniń burynǵy basshysyna birinshiden, asa iri kólemde tabys ákeletin - aqyly bilim berý qyzmetterin arnaıy lıtsenzııasyz júzege asyrǵany úshin QR QK-niń 190-baby, 2-taraýynyń «b» tarmaǵy boıynsha aıyp taǵyldy.
Sondaı-aq oǵan, óziniń qyzmettik laýazymyn jáne adamdardyń senimin paıdalana otyryp asa iri kólemdegi ózgeniń múlkin jymqyrdy degen kiná taǵylyp, ústinen QR QK-niń 177-baby, 3-taraýynyń «b» tarmaǵy boıynsha ekinshi qylmystyq is qozǵaldy.
JOO-nyń burynǵy basshysyna qatysty qylmystyq isti, stýdentterden kóptep kelip túsken ótinishter negizinde oblys prokýratýrasy júrgizgen tekseristerdiń nátıjesi boıynsha Qarjy polıtsııasy qozǵady. Qylmystyq áreketter saldarynan JOO túlekterine zańdyq kúshi joq jalǵan dıplomdar berilip kelgen. Oqý ornynyń lıtsenzııasyz jumysynan stýdentterge keltirilgen shyǵyn 70 mln. teńgeni qurady.
«Іsti qaraý kezinde burynǵy dırektordyń qylmysy tolyǵymen dáleldendi. Barlyq jaǵdaılardy eskere otyryp, sot JOO-nyń burynǵy rektoryn kináli dep taýyp, bar múlkin tárkileı otyryp 6 jylǵa bas bostandyǵynan aıyrý jazasyna kesti», - dep málimdedi Bas prokýratýra ókilderi.
