SQO-daǵy ınflıatsııa deńgeıi belgili boldy
Oblystyq statıstıka departamentiniń aqparatyna sáıkes, óńirdegi eń tómengi kúnkóris shegi 25 829 teńgeni qurady. Eger ótken jyldyń jeltoqsan aıymen salystyrar bolsaq, kúnkóris shegi 5paıyzǵa ósip otyr. Bul rette turǵyndar shyǵystarynyń qurylymynda áli de bolsa et pen balyq, sút pen jumyrtqa, jemis-jıdek pen kókóniske jumsalatyn qarajatynyń kólemi basym bolyp tur. Azyq-túlik emes taýarlar men aqyly qyzmetterge shyǵyndary 11 623 teńgeni quraıdy.
Buǵan qosa, ótken jyldyń qorytyndysynda kúnkóris sheginen tómen tabys tabatyn oblys halqynyń sany 4,7 paıyzdy qurady.
Departamenttiń atap ótýinshe, qala jáne aýyl turǵyndarynyń kiristerindegi aıtarlyqtaı dıfferentsıatsııa saqtalyp otyr. Kirisi kúnkóris teginen tómen qalalyqtardyń úlesi 3,9, al aýyldyqtar 5,3 paıyzdy quraıdy. aýyldyq jerlerdegi kedeıshilik deńgeıi qalalyqtarǵa qaraǵanda 1,4 ese joǵary.
Óńirdiń statıstıka mamandary qańtar-sáýirdegi ınflıatsııa deńgeıin de eseptep shyǵarǵan. Olardyń derekterine sáıkes, Soltústik Qazaqstan oblysyndaǵy statıstıka 2 paıyzǵa jýyqtaǵan. Azyq-túlik jáne azyq-túlik emes taýarlardyń baǵasy qymbattaǵan. Jańa jınalǵan kókónis baǵasy aıtarlyqtaı ósken. Atap aıtqanda, tátti burysh 19, shalqan tárizdi pııaz 17 paıyzǵa, al aqbas qyryqqabat eki esege qymbattaǵan. Tek kartop qana 7 paıyzǵa arzandaǵan. Jemis-jıdek, un, kúrish, kondıterlik taǵamdar, nan men makaron jáne taǵy da birqatar azyq-túlik túrleri soltústikqazaqstandyqtardyń qaltasyna salmaq sala tústi. Kıim-keshek pen aıaqt kıim, dári-dármek, keńse zattary, ydys-aıaq jýýǵa arnalǵan suıyqtyqtar, turmystyq tehnıka baǵasynyń da ósimi tirkelip otyr. Qatty otyn 4, benzın 2,1, dızel otyny 1,4 paıyzǵa arzandaǵan.
«4 aıda halyq aqyly qyzmetter naryǵyndaǵy turaqsyz baǵa ahýalyn baıqady. Jekelegen qyzmet túrlerine baǵa men tarıfterdiń tómendeýi, al keıbirine joǵarylaýy baıqaldy. Bul aqyly qyzmetterdiń baǵa ındesiniń 100 paıyz deńgeıinde qalyptasýyna alyp keldi», - dep atap ótedi statıstıka departamentinen.