SQO-daǵy festıvalge 2 myń lıtr qymyz ákelindi
PETROPAVL. QazAqparat - Petropavlda «QymyzFest» festıvali ótip jatyr, dep habarlaıdy QazAqparat tilshisi.
Festıval eki jyl qatarynan ótip jatyr. Bıyl barlyq aýdandardan 2 myń lıtr qymyz ben 100 keli baýyrsaq ákelindi. Qymyz merekesi at sherýden - karnavaldan bastaldy.
Teatrlandyrylǵan alańda shatyrlar tigilip, túrli qymyzdar dám tatý úshin qoıyldy. Oblys aýdandarynan kelgen sheberler jármeńkege teriden, súıekten, keramıka, aǵashtan jasalǵan buıymdar ákeldi. Onyń bárin satyp alýǵa bolady. Alańnyń ortalyǵynda 150 lıtrlik qymyz quıylǵan qazan ornatylǵan.
Barlyq qala turǵyndary men qonaqtaryna sýsyn tegin taratyldy. Kásipkerlik jáne týrızm basqarmasynyń basshysy Quralaı Jarovanyń aıtýynsha, festıval aıasynda asyq atýdan týrnır jáne et konkýrsy ótedi.
«Festıval 4 baǵyt: aspazdyq, halyq jármeńkesi, sporttyq jarystar men at karnavaly boıynsha ótip jatyr. Ár baǵyt boıynsha qatysýshylar arasynda konkýrstar ótedi. Festıval óńir úshin mańyzdy oqıǵa. Biz «KymyzFest» sharasy oblysymyzǵa týrıster tartýǵa yqpal etedi dep úmittenemiz», - dedi Q. Jarova.
