SQO-daǵy faner zaýyty shıkizattyń azdyǵynan tolyq qýatynda iske kirise almaı otyr
«Soltústik faner kombınaty» JShS-gi byltyr Petropavlda ashyldy. Sýǵa tózimdi, úlken formatty fanera shyǵaratyn kásiporyn bir jyldyń ishinde 10 myń tekshe metr ónim óndirdi. Bul zaýyttyń óndiristik qýatynyń tek jartysy ǵana. Basty sebep – shıkizat joq. Kásipkerler qurylys materıalyn shyǵarýǵa qajetti aǵashtyń basym bóligin shetelden tasýǵa májbúr.
Bul máselemen kombınat ókilderi kásipkerler palatasyna aryzdandy. Byltyr shıkizattyń bolmaýynan kásiporyn eki aı toqtap qalǵan.
«Bir jyldyń ishinde faner kombınaty aınalymdy arttyryp, elimizdegi isi órge basqan kásiporyndardyń qataryna endi. Onyń áleýeti joǵary. Alaıda, qazir paıdalanyp otyrǵan shıkizattyń 60 %-y – sheteldik, qalǵany – jergilikti. 10 jylda bir ret Ekologııa mınıstrligi orman sharýashylyǵyn túgendeıdi, ol jyldyń sońyna deıin jalǵaspaq. Sáıkesinshe orman paıdalanýshylary úshin eshqandaı tender ótkizilmeıdi. ıAǵnı aǵashty kesýge ruqsat etilmeıdi», - deıdi SQO kásipkerler palatasynyń dırektory Álibek Áshmetov.
Kásiporynnyń jumysymen QR Parlamenti Májilisiniń depýtattary tanysty. Máselege de qanyqty. Qazir kombınatta 150 adam eńbek etedi. Zamanaýı jaraqtalǵan zaýyt tolyq qýatynda jumys isteýge ázir. Josparda jylyna 20 myń tekshe metrge jýyq faner shyǵarý mindeti tur.
«Búgin biz Soltústik faner kombınatyna jumys babymen kelip otyrmyz. Óte kerek kásiporyn, bul aldymen jergilikti halyqty jumyspen qamtyp otyr, sondaı-aq elimizdegi faner qajettiligin 30 %-ǵa jaýyp otyr. Qala aýmaǵyndaǵy, oblystaǵy jasyl jelekti ońdy-soldy kese bersek ekologııa máselesi týyndaıdy. Meniń pikirimshe, basty másele alypsatarlar, shıkizatty satýda olardyń jolyn kesý qajet. Buǵan jergilikti bılik qoldaý bildirgenderi jón», - deıdi QR Parlamenti Májilisiniń depýtaty Erlik Taıjanov.
