SQO-daǵy Esil ózeninde balyqtyń neden qyrylǵany belgili boldy

PETROPAVL. QazAqparat - Soltústik Qazaqstan oblysynda tamyz aıynda Pıtnoe kóli men Esil ózeninde tirkelgen balyqtardyń qyrylý sebebi anyqtaldy, dep habarlaıdy QazAqparat tilshisi.

Ekologııa departamentiniń málimetinshe, Jambyl oblysy Mırolıýbovo aýylyna jaqyn jerdegi Pıtnoe kólinde balyqtardyń qyrylýy ósimdik jamylǵysynyń ydyraýy kezinde paıda bolǵan kúkirtti sýteginiń jınalýynan bolǵan.

Sergeev sý qoımasy mańyndaǵy Esil ózenindegi balyqtar sýdaǵy erigen otteginiń azaıýynan qyryldy.

Bul aýa men sýdyń joǵary temperatýrasyna baılanysty boldy.

Vedomstvoaralyq jumys tobynyń otyrysynda Jambyl jáne Shal aqyn aýdanynyń ákimdigine sý aıdyndaryna turaqty monıtorıng júrgizý usynyldy.

Pıtnoe kólinde sý qoımasynyń gıdrohımııalyq rejımin jaqsartý úshin artyq ósimdikterdi shabý jáne aeratsııa boıynsha melıoratsııalyq jumystar qajet.

Balyq sharýashylyǵy melıoratsııasy múmkin bolmaǵan jaǵdaıda melıoratsııalyq balyq aýlaý qajet.