SQO-daǵy Dostyq elevatorynda órt bolyp, jarty tonna kúnbaǵys tuqymy búlindi
ASTANA. Qazannyń 16-sy. QazAqparat - Juma kúni Soltústik Qazaqstan oblysynyń Nıkolo-Býrlýk aýylynda ornalasqan Dostyq elevatorynyń keptirý qoımasynda órt boldy. Bul aqparatty QR Tótenshe jaǵdaılar mınıstrliginiń baspasóz qyzmeti taratyp otyr.
Qutqarýshylardyń málimetterine qaraǵanda, órt qushaǵyna 24 sharshy metr aýmaq oranǵan. Zardap shekkender men qaza tapqandar joq. «Órt jarty tonna kúnbaǵys tuqymyn búldirdi», - delingen baspasóz habarlamasynda.
Tilsiz jaý 5 saǵat ótkennen keıin aýyzdyqtalǵan. Ony sóndirýge QR TJM Soltústik Qazaqstan oblystyq tótenshe jaǵdaılar departamenti órt sóndirý qyzmetiniń jeke quramyndaǵy 17 maman men 3 tehnıka jáne erikti órt sóndirýshiler jasaǵynan 4 adam men 2 tehnıka jumyldyryldy.
