SQO-daǵy aýyl ákimderiniń saılaýyna 350-ge jýyq baıqaýshy qatysady

PETROPAVL. QazAqparat – Soltústik Qazaqstan oblysynda aýyl ákimderiniń saılaýyna qatysatyn qoǵamdyq baıqaýshylardyń jumysyn úılestirý maqsatynda shtab quryldy, dep habarlaıdy QazAqparat tilshisi.

SQO-da aýyl ákimderiniń saılaýyna qatysatyn qoǵamdyq baıqaýshylardyń jumysyn «Partııalyq emes baıqaý ortalyǵy» RQB oblystyq fılıaly úılestirmek. Fılıal tóraǵasy Janat Muhametjanovtyń aıtýynsha, shtabta 6 adam jumys isteıdi. Naýqannyń tıimdiligin arttyrý maqsatynda baıqaýshylar onlaın túrde kýrstan ótedi.

«Prezıdent Qasym-Jomart Toqaev óziniń 2020 jylǵy 1 qyrkúıektegi «Jańa jaǵdaıdaǵy Qazaqstan: is-qımyl kezeńi» atty Joldaýynda aýyl ákimderin tikeleı saılaýdy engizý qajettigi týraly málimdedi. Memleket basshysy muny eldi demokratııalandyrýdaǵy jáne jergilikti basqarý ınstıtýttaryn nyǵaıtýdaǵy mańyzdy qadam dep atady.

Saılaý barysyn qoǵamdyq baqylaýǵa alý azamattyq boryshymyz. Biz jarııalylyq, ashyqtyq, ádildik, parasattylyqty pen zańdylyqty ustanym etip aldyq.

Qoǵamdyq qozǵalys retinde qurylǵan oblystaǵy ortalyqqa táýelsiz baqylaýshylar enip, saılaý barysy zańdy jáne legıtımdi ótedi degen úmittemiz», - deıdi Janat Muhametjanov.

Táýelsiz baıqaýshylarǵa bloknot, beıdjık, baıqaýshynyń jadnamasy ázirlenip, taratyldy.

Jalpy, SQO-daǵy 174 saılaý ýchaskesinde daýys berýdi 348 baıqaýshy baqylaıdy. Olardyń jumysyn oblystyq 5, aýdandyq 169 mobıldi shtab úılestiredi.

Buǵan deıin soltústikqazaqstandyqtar 70 aýyldyq okrýg jáne Mamlıýtka qalasynyń ákimin saılaıtynyn aıtqan edik.

Bir orynǵa shamamen 3 adam talaspaq.